SB Elsa M. Gallego

Nananalaytay sa dugo ni SB Elsa G. ang paninilbihan sa bayan.

Libu-libong mga kabataan ang kanya nang nahubog at naturuan ng kani-kanilang ABCs at magandang-asal sa loob ng mahigit dalawang dekadang (21 taon) paninilbihan niya bilang Daycare Worker ng Brgy. Caruray. Hindi alintana ang maliit na sahod, ibinuhos ni SB Elsa G. ang kaniyang pagmamahal, talento at panahon hindi lang para magabayan ang mga kabataan, kundi para na rin maibsan ang bigat ng responsibilidad ng kanilang mga magulang; sa pamamagitan ng pag-aaruga niya sa kanilang mga anak, nakakadiskarte muna ang mga magulang ng kanilang pangkain araw-araw habang ang kanilang mga anak ay nasa Day Care Center ni Teacher Elsa G.

Ipinagpatuloy niya ang kaniyang paglilingkod-bayan bilang Brgy. Kagawad, at naniniwala siyang mas marami pa siyang magagawa sa bayan kung maiaakyat niya ang mga problema at hamon ng bawat pamilya at komunidad sa Sangguniang Bayan.

Kapakanan ng mga bata, kababaihan, pamilya at kanayunan ang mga isusulong ni SB Elsa G sa Sangguniang Bayan!